კონკრეტულად ორიენტირებულები ვიქნებით შენობასთან მიახლოებაზე და მოქმედებაზე სადარბაზოში, კიბეებზე, კორიდორებსა და ოთახებში. ძირითადად ორიენტირებულები ვიქნებით ჯგუფურ – ოთხი პირის მოქმედებაზე.

შენობაში ბრძოლა არის ბრძოლაში და ზოგადად ცხოვრებაში ერთ-ერთი ყველაზე გუნდური და სტრესულ გარემოში სწრაფად და კრიტიკულად აზროვნების მომთხოვნი ქმედება. ამ დროს ადამიანი იწურება მაქსიმალურად და იღებს არამხოლოდ პრაქტიკულ ცოდნას, არამედ მენტალურ გამძლეობას.

ბდპ შეიძლება იყოს ინდივიდუალურიც და ბრძოლის ეს ტაქტიკა რადიკალურად განსხვავდება ჯგუფურისგან (მაგალითად გაგიტაცეს, შენობაში ხარ, თავი დააღწიე, აიღე იარაღი და უნდა გააღწიო არეალიდან). შეგვიძლია ინდივიდუალური სწავლებაც.

სად: თბილისის შემოგარენში. რამდენიმე ლოკაციაა რასაც ხშირად ეარსოფტის და ფეინთბოლის მოყვარულები იყენებენ. რადგან არ გვინდა რომ ერთმანეთს ხელი შევუშალოთ, დროზე შეთანხმების შემდეგ მათთან კოორდინაციით დავადგენთ ადგილსაც.

როდის: გააჩნია ინდივიდუალური გინდა თუ ჯგუფური. თუ მარტო ხარ, ჯგუფურზე მინიმუმ 4 ადამიანის შეკვრას დაველოდებით და შემდეგ დავთქვავთ ზუსტ დროს/ადგილს. თუ ოთხნი ან მეტნი ხართ, მაშინ გაცილებით ნაკლები ლოდინი მოგვიწევს.

როგორ: ეარსოფტის იარაღებს გამოვიყენებთ. დათქმულ ლოკაციაზე დაგხვდებით. თუ არ გყავთ ტრანსპორტი, მაშინ ამის შესახებ გვაცნობეთ წინასწარ. თუ საკუთარი ეარსოფტის იარაღი გაქვს, გვაცნობე და ფასდაკლებას მიიღებ. თუ ნამდვილი იარაღით მონაწილეობა შეუძლებელია რადგან დღის ნაწილი მოიცავს მონაწილეთა ქვეჯგუფებად დაყოფას და ერთმანეთის წინააღმდეგ მოქმედებას. აუცილებელია დამცავი სათვალეების ქონა.

ჩვენ გვაქვს სამი სეგმენტი გამოყოფილი და თითოეულს ვუდგებით შესაბამისად.

ინდივიდუალური – თუ გსურს შენი პირადი უნარების გაუმჯობესება (როგორც ინდივიდუალურ, ისე ჯგუფურ სწავლებაში) – მაშინ განსაკუთრებულ ყურადღებას ვაქცევთ შენს იარაღის ჭერას, მოძრაობას, სხვებთან კომუნიკაციას, სიტუაციური კონტროლის და სხვა ინდივიდუალურ უნარებს. დღის ბოლოს გარანტირებულად იგრძნობ რომ საგრძნობლად ძლიერი და რთული მოსაკლავი ხარ დღის დასაწყისთან შედარებით.

ჯგუფური – თუ ხართ მეგობრები ან წარმოადგენთ კომპანიას, მაშინ შეიძლება ინდივიდუალურ ნიუანსებზე გაცილებით მეტად დავხუჭოთ თვალი და ბოლომდე გაგატარებთ სწავლებას იმ კუთხით რომ მეგობრობის ან თანამშრომლობის დონიდან ურთიერთობა გადაგიტანოთ თანამებრძოლთა ძმობის დონეზე. იდეალურია კომპანიის თანამშრომლების ერთ მუშტად შეკვრის და მათი სამომავლო სამუშაო მორალის/მოტივაციის გაზრდისთვის. თან კარგად გაერთობით.

ბავშვებისთვის – 12 – 16 წლის ასაკობრივი კატეგორია. დღე იქნება ძირითადად გასართობი და მიმართული საიმისოდ რომ გაუღვივდეთ პატრიოტული სულისკვეთება და ჩამოყალიბდნენ მებრძოლებად არა უშუალოდ პირდაპირი სამხედრო გაგებით, არამედ ზოგადად, ცხოვრებისეულად.

გასწავლიან მრავალწლიანი გამოცდილების მქონე პროფესიონალი ყოფილი სამხედროები. ჩასქროლე ქვევით, იქ ნახავ სარეგისტრაციო ფორმას. შეიყვანე შენი სახელი, ტელეფონის ნომერი, ელფოსტა, აირჩიე სერვისი და მესიჯის გრაფაში დაგვიწერე რაიმე კითხვა ან მოთხოვნა თუ გაქვს. ჩვენ ვნახავთ და დაგიკავშირებით.

ან უბრალოდ პირდაპირ მესენჯერის ჩატში მოგვწერე და ბარემ შენს პროფილსაც ვნახავთ.

გაითვალისწინე, რომ არ ვასწავლით რუსებს და პრორუსული განწყობების მქონე ხალხს. ჩვენი სულისკვეთებაა ქვეყნის თავდაცვისუნარიანობის გაძლიერება და არა მისი შესუსტება. ამიტომ ნებისმიერს, ვისაც დავუშვებთ სწავლებაზე, უნდა ჰქონდეს სოციალური მედიის ღია პროფილი რომ შევძლოთ მისი გადახედვა. თუ ჩატში მოწერას ფორმის შევსება გირჩევნია, მაშინ ტექსტს თან დაურთე პროფილ(ებ)ის ლინკ(ებ)ი.

ნებისმიერ დროს, თუნდაც სწავლების დასრულებისას, თუ შენ იტყვი რომ შენი გადახდილი საფასურის შესაბამისი სერვისი ვერ მიიღე და არ ხარ კმაყოფილი, თანხას სრულად გიბრუნებთ უკან.

ყველანი საქართველოში ვცხოვრობთ და ვიცით რა მტკივნეული შეიძლება იყოს თანხის გადახდა იმაში რაც არ მოგწონს. ამიტომ გაზღვევთ 100%-ით. გულგატეხილს არ დაგტოვებთ!

140₾. ინდივიდუალური თუ გინდა 280₾ დაგიჯდება. საკუთარი ეარსოფტის იარაღი თუ გაქვს მაშინ 40₾ გამოაკლდება მითითებულ ფასს როგორც ჯგუფურის, ისე ინდივიდუალურის შემთხვევაში.