ფარადეი იყო მეცნიერი რომელსაც მნიშვნელოვანი წვლილი აქვს შეტანილი ელექტრომაგნიტიზმის კვლევებში. შორს არ წავალთ ისტორიაში, მოკლედ ავხსნით ფარადეის ჩანთას.
დღევენდელი ანდროიდ და IOS ტელეფონებიდან შეუძლებელია ელემენტის ამოღება. ჩვენი ტელეფონების აღმოჩენა გამორთულ მდგომარეობაშიც კი შეიძლება მათი სიმის ან IMEI კოდის მეშვეობით. ერთი სიტყვით, თუ შენ თან გაქვს ტელეფონი და მოწინააღმდეგეს ძალიან უნდა შენი პოვნა, გიპოვის, თუ ეს ტელეფონი არ გიდევს ფარადეის ჩანთაში. ფარადეის ჩანთაში ტელეფონს რომ ჩადებ მას ვერანაირი მიღება ვეღარ ექნება, ის გარე სამყაროსთვის უბრალოდ გაქრება.
იხილეთ ბოლო სურათი. ის აღნიშნავს ხერსონში რუსების უკან დახევისას მოცემულ ტელეფონის სიგნალებს. აღნიშნული სურათიდან ვხედავთ რომ რუსები პანიკურად შეჯგუფდნენ ხიდთან, ცდილობდნენ გადაკვეთას, რა დროსაც დაიბომბნენ და უკვე დაჭრილები და დახოცილები გაუყვნენ დნეპრის დინებას.
ასეთივე ხედვა აქვთ ტელეფონის სიგნალებზე რუსებსაც. ახლა წარმოიდგინეთ რომ ვემზადებით ჩასაფრებისთვის, რეიდისთვის, ან უბრალოდ იქ ვართ სადაც საოკუპაციო ჯარებს არ უნდათ რომ ვიყოთ. სიგნალთა კონტროლით ასე მარტივად შეგვამჩნევენ როგორც ჩვენ ვხედავთ მოცემულობას იმ სურათზე და მარტივად მიიღებენ საპასუხო ზომებს.
ამ ჩანთის ქონისას კომუნიკაციის დამყარება თუ სასიცოცხლოდ დაგჭირდება მაშინ ამოიღებ ჩანთიდან, დაამყარებ სწრაფ კომუნიკაციას (4G კავშირით სიგნალზე, სთიმზე, რომელიმე თამაშის ჩატში ან რამე ისეთ პლატფორმაზე, სადაც უბრალოდ ვერ ექნებათ წვდომა შენს კომუნიკაციაზე) და ჩადებ ისევ ჩანთაში. ამრიგად მათ რადარზე უცებ გამოჩნდები და მერე ისევ გაქრები. სარისკოა, თუმცა კომუნიკაციის გარეშე ყოფნაც ასევე სარისკოა და როგორც მინიმუმ გადაადგილებას ვერ გაგიკონტროლებენ.
სიძლიერე შედარებითია. მტერი შენთვის ძლიერია მაშინ, როცა მას აქვს შენზე მეტი განათლება. ახლა შენ უკვე იცი რას ნიშნავს ფარადეის ჩანთა. თუ შეიძენ მაშინ გილოცავთ, პატარა იაფი ჩანთით მათ მრავალ მილიონიან აღმომჩენ ტექნიკას უსარგებლო რკინის გროვად აქცევ.
