ეს არის საძილე ჰამაკი მწერებისგან დამცავი ბადით, რომელიც იბმევა ორ ხეს შორის. მოყვება სპეციალური თოკები, რომლებითაც კვანძები უნდა გაკეთდეს ამ ხეებზე. ასევე მოყვება ორი ცალი 6 მეტრიანი თოკი, რომლებითაც უნდა გაკეთდეს კვანძი ერთ ხეზე, შემდეგ გატარდეს მწერებისგან დამცავ ბუდეზე არსებულ სპეციალურ ადგილებში, გაიჭიმოს და გაკეთდეს კვანძი მეორე ხეზე.
ჰამაკის სრულად გაშლას სჭირდება დაახლოებით 10 წუთი და მინიმუმ 6 კვანძის გაკეთება.
დაშლასაც დაახლოებით ამდენივე.
აქედან გამომდინარე ტაქტიკურ გარემოში არ არის ყველაზე გამოსადეგარი, თუმცა მშვენიერი ვარიანტია უბრალოდ ლაშქრობისას ან კემპინგისას, როცა არსად არ გვეჩქარება. ჰამაკი თავსდება თავისივე თავში – მთავარ სურათზე არსებული ჯიბე არის ის რაშიც ექცევა ჰამაკი დაკეცვისას. ასევე აქვს ერთი ჯიბე შიგნით, ტელეფონის ან სხვა საჭირო ნივთების ორგანიზებულად ჩადებისთვის.
