ქემლაითი არის ერთ-ერთი აუცილებელი ნივთი ყველა მებრძოლის აღჭურვილობაში. მუშაობს მარტივად: შიგნით არის ორი სხვადასხვა სითხე. არის გარე სითხე და მოთავსებულია სპეციალური კაფსულა სადაც არის შიდა სითხე. როცა ქემლაითს გადაღუნავ, კაფსულა ტყდება და შიდა სითხე ერევა გარე სითხეს. სწრაფი რეაქციისთვის კარგია თუ აანჯღრევ. ამის შემდეგ ქემლაითი იწყებს ნათებას. გამოიყენება უამრავი ფუნქციით. მაგალითად:
ნათება. შესაძლებელია როგორც სრული, ისე მიმართულებითი ნათების გაკეთება თუ ქემლაითს ერთი მიმართულებიდან გადავაკრავთ სკოჩს. ქემლაითის სინათლე აფრთხობს ნადირსაც – იყო შემთხვევა როცა მეთევზეს ტურები მიუახლოვდნენ და რამდენიმე ქემლაითის გადაგდებით დააფრთხო.
მარკირება: მაგალითისთვის ბდპ-ს (ბრძოლა-დასახლებულ-პუნქტში) დროს, შენობის გაწმენდვისას ოთახში წითელი ქემლაითის შეგდება ოპერატიული ჯგუფისთვის შეიძლება ნიშნავდეს რომ ოთახში შემჩნეულია ასაფეთქებელი საშუალებები, შესაბამისად საფრთხე განეიტრალებული არ არის და საჭიროებს უშალოდ ბრძოლის შემდეგ ადგილზე დაბრუნებასა და წმენდას.
ყვითელი ქემლაითი შეიძლება ნიშნავდეს რომ შემჩნეულია დოკუმენტები, ტყვია-წამალი თუ სხვა მასალები, რაც საჭიროებს ბრძოლის შემდეგ ამოღებას. ხოლო მწვანე შეიძლება ნიშნავდეს იმას რომ ოთახი სუფთაა და არ საჭიროებს ბრძოლის შემდგომ სამუშაოებს.
ორიენტირი: მაგალითისთვის შესაძლოა რომ ღამით დავაკვირდეთ კოლონის გადაადგილებას ჰაერიდან, დრონით. რა საკვირველია რომ ამ დროს ჩვენ სადღაც სიბნელეში ვიმალებით, ხოლო GPS სისტემები ხშირად არ მუშაობს. შესაბამისად დრონზე ელექტრონული კორდინატით არ გამოჩნდება აფრენის წერტილი და ვერც ავტომატურად შეძლებს უკან დაბრუნებას. ამ დროს ერთი გაფრენა დრონის დაკარგვად რომ არ დაგვიჯდეს, ძალიან მარტივად – წითელი ქემლაითის სადმე ისეთ ადგილზე დაგდებით რომ მხოლოდ ციდან ჩანდეს მარტივად, შეგვიძლია ორიენტირის აღება და უსაფრთხო დაბრუნება. ეს რათქმაუნდა იმ დაშვებით თუ მოწინააღმდეგც არ პატრულირებს ჰაერში.
კომუნიკაცია: თუ არ გვაქვს არც ტელეფონი და არც რადიო, ქემლაითით შეიძლება ღამით შორ მანძილზე ინფორმაციის გადაცემა თუ წინასწარაა შეთანხმებული ქემლაითის თითოეული ფერის მნიშვნელობა.
ერთი სიტყვით ქემლაითის გამოყენება არის შეუზღუდავი. არის ძალიან პრაქტიკული და სასიამოვნო გამოსაყენებელი.
ანათებს 12 საათის მანძილზე.
