ეს არის სპეციალური წიგნაკი, რომლის ფურცლებიც უძლებს ტენიანობას და წყალს. გამოიყენება ტაქტიკურ გარემოში პირადი ჩანიშვნების საწარმოებლად.
მაგალითისთვის: ვართ სადაზვერვო ოპერაციაზე, ვაკვირდებით ობიექტს და ვსწავლობთ რამდენიმე დღის ან საათის მანძილზე. ამ დროს ობიექტზე ნებისმიერი მოძრაობისას ფიქსირდება მოძრაობის დრო, ტიპი, პერსონალის რაოდენობა, ტექნიკის რაოდენობა და სხვა და სხვა დეტალები CCIR (Commanders Critical Informational Requirements) – მეთაურის კრიტიკული საინფორმაციო მოთხოვნების მიხედვით.
წარმოიდგინე ობიექტამდე გადაადგილებას რომ დაგეგმავ, ადგილზე მიხვალ, გააკეთებ შეჟონვას, დაიკავებ სადაზვერვო პოზიციას, შეინიღბები, უყურებ ობიექტს, ერთი დღე-ღამის მანძილზე აწარმოებ ჩანაწერებს, მერე უცებ თავსხმა წვიმა მოვა და შენი ჩანაწერები ნადგურდება.
სწორედ ესეთი უაზრობებისგან თავის დასაცავად არის შექმნილი სპეციალური წიგნაკები, რომლებიც ასეთი გაუთვალისწინებელი შემთხვევების რისკებს აზღვევს. საკმაოდ კომპაქტური და მსუბუქია. კიტში ერთი ცალის ქონა სასარგებლოა ნებისმიერისთვის.
